ကြယ်တွေပြိုင်တူ လင်းဖို့လိုတယ်

သုံညတလုံးဟာ
ဘယ်တော့မှ ရှေ့ဆုံးမှာ မနေသင့်ဘူး
မင်းတို့နေရာပျောက်မှာ ကြောက်တာနဲ့
ခန်းမတခုလုံး ဖျောက်ထားရသလား
မိုးကြိုးလျှပ်စီးရယ်......
မင်း....ဒို့ကို ပစ်ခတ် ပြာချလည်း
မင်းလည်းပဲ ခဏပဲ လင်းမှာပါ
လမင်းတော့ ဖြစ်လာမှာ မဟုတ်ပါဘူး
သူငယ်ချင်းတို့ရေ.....
မိုးတိတ်မှ အပြင်ထွက်မယ်ဆိုတဲ့ စိတ်နဲ့တော့
ဘယ်ကိုမှ ရောက်မှာ မဟုတ်ဘူး
ယုံကြည်ချက်တွေ ထမ်းပြီး
ကမ္ဘာသစ်ဆီ သွားမယ့်လမ်းဟာ
ကြမ်းတော့ကြမ်းလိမ့်မယ်
ရှေ့မှာလည်း တစ္ဆေတစ်ကောင်
သေနတ်ကိုင်ပြီး စောင့်နေတယ်
တစ္ဆေ မကြောက်သင့်တဲ့ အချိန်မှာတော့
မျက်လုံးတွေ ကန်းသင့်ရင် ကန်းထားရလိမ့်မယ်

TAKE VALUE OF THE LIFE

ဘ၀တန်ဖိုး အရယူလော့

အတိတ်ကိုတွေး ၊ မဆွေးလေနဲ့

အတိတ်ဆိုတာ ၊ ပြန်မလာဘူး

အနာဂတ်မှန်း ၊ မလွမ်းလေနဲ့

အနာဂတ်ဆိုတာ ၊ မသေချာဘူး

ပစ္စုပ္ပုန်မှာ ၊ လုပ်သင့်ရာဝယ်

ပညာလုံးလ ၊ အသုံးချလျက်

ဘ၀တန်ဖိုး ၊ အားမန်ကိုး၍

မြတ်နိုးကြည်ဖြူ ၊ အရယူလော့…။

TAKE VALUE OF THE LIFE

Regret not the past

Past is never come back

Long for not future

Future is not sure

In present

Take value of the life

With great knowledge and effort

What should be done

Ones who yearnig the Moon.

လမင်းငတ်သူများ

ရူးသွပ်စွာ ကောင်းစားသူတွေအတွက်
မွန်းတည့်ချိန်ဟာ တိုတောင်းတယ်ထင်ပေမယ့်

သူတို့ကောင်းစားဖို့အတွက်
ပေးဆပ်ရတဲ့ ဘ၀ပေါင်းများစွာအတွက်ကတော့
မွန်းတည့်ချိန်ဟာ ရှည်လျားလွန်းလှပါတယ်.....။
ကိုယ့်အရိပ်ဟာ
ကိုယ့်နောက်ကို ထက်ချပ်မကွာ လိုက်သတဲ့......။
နေမွန်းတည့်ချိန်မှာ
ဘယ်အရိပ်ကများ လိုက်နိုင်အုံးမှာလဲ.......။
နှေးကွေးစွာ လည်ပတ်နေတဲ့ နာရီအို
ခိုတွေလို ညည်းတွားနေကြတဲ့ လူသားများ
အားမတန်ပေမယ့် မာန်မလျှော့တဲ့ မိခင်
ရင်ကို မြေကတုတ်လုပ်နေတဲ့ အမေ့သား
အကြင်...အကြင် ထိုသူများအတွက်
နေမွန်းရယ် တိမ်းပေးလှည့်ပါ.....။
မွန်းတည့် နေရောင်အောက်မှာ
မြေမြင်ဟာ တံလျှပ်ထ
ပန်းတွေလည်း နွမ်းလျ
စမ်းရေလည်း ခမ်းကြ
နွေနေပူရဲ့ ခါးသီးတဲ့ နှိပ်စက်မှုက
လွတ်မြောက်လိုလှပါပြီ.......။
နေ၀င်ချိန် အမှောင်ရောက်
လမင်းရဲ့ အေးရိပ်အောက်
ဒူးထောက်လိုပဲ ...ထောက်ရ
ရူးသွပ်စွာနဲ့
ဦး....ညွတ်ရ...ညွတ်ရ
သာယာမယ့် ဘ၀ကိုသာ တမ်းတမိပါရဲ့.........။
(မေဓာဝီ)

Strong Desire

အားမာန်

လေတိုက်တိုင်းသာ ၊ ပန်းကြွေပါမူ ၊ ဘယ်မှာ ပန်းများကျန်မည်နည်း...... လှိုင်းပုတ်တိုင်းသာ ၊ ကမ်းပြိုပါမူ ၊ ဘယ်မှာမြေကြီး ကျန်မည်နည်း........ ကျရှုံးတိုင်းသာ ၊ ငိုရပါမူ ၊ ဘယ်မှာ မျက်ရည်ကျန်မည်နည်း........ အမှောင်တ၀က် ၊ လင်းတ၀က်မှာ ၊ တရက်တခါ ၊ ကြုံမြဲသာတည်း..... အရှုံးတလှည့် ၊ နိုင်တလှည့်မှာ ၊ မျက်လှည့်ပမာ ၊ တွေ့မြဲသာတည်း.... လှုပ်ရှားရသော ၊ လူ့ရွာတောဝယ် ၊ လင်းသော မှောင်သော ၊ အောင်သော ရှုံးသော ၊ မုန်းသော ချစ်သော ၊ သစ်သော ဟောင်းသော ၊ ဆေးကြောစိတ်ဖြာ ၊ မနေသာပေ လဲရာကထ ၊ ကျရာကတက် ပျက်ရာကဆောက် ၊ ရှေ့သို့လျှောက်၍ ရောက်ရာဘ၀ ၊ အားမာန်ပြရင်း ရုန်းရ ကန်ရမည်သာတကား.......

IF......

အကယ်၍သာ

အကယ်၍
မင့်အသိုင်းအ၀ိုင်းတွေ တုန်လှုပ် ခြောက်ခြားပြီး
ဒါတွေဟာ မင်းကြောင့်လို့ ၀ိုင်းဝန်း အပြစ်တင်ကြတဲ့အခါ
မင်းဟာ တည်ငြိမ်စွာနှင့် ရင်ဆိုင်နိုင်မယ်ဆိုရင်........။

အကယ်၍
အားလုံးက မင်းကို မယုံသင်္ကာ ဖြစ်ကြတဲ့အခါ
သူတို့ကို နားလည်စွာနှင့် ခွင့်လွှတ်ရင်း
မင့်ကိုမင်း ယုံကြည်မှု အပြည့်ရှိမယ်ဆိုရင်......။

အကယ်၍
စောင့်သင့်တဲ့အချိန်ကို စောင့်နိုင်ပြီး
အဲဒီအတွက်လည်း မမောမပန်း နေနိုင်မယ်ဆိုရင်......။
ဒါမှမဟုတ်
မင်းကို လူတကာ ၀ိုင်းဝန်းမုန်းတီးတဲ့အခါ
မင်းကလည်း အမုန်းတွေ ပြန်မပွါးဘူးဆိုရင်....။

အကယ်၍
စိတ်ကူးယဉ်အိမ်မက်တွေဟာ
မင်းအပေါ် မလွှမ်းမိုးစေဘဲ
စိတ်ကူးနိုင်မယ်ဆိုရင်.......။

ပြီးတော့
အတွေးအခေါ် စိတ်ကူးတွေဟာ
မျှော်မှန်းချက်သက်သက် မဖြစ်စေဘဲ
တွေးခေါ်နိုမယ်ဆိုရင်......။

အကယ်၍
အောင်မြင်မှု သုခနှင့် ဆင်းရဲမှုဒုက္ခတွေကို ကြုံတွေ့ရတဲ့အခါ
တူညီသော လောကဓံတွေပါလားလို့
ခံယူထားနိုင်မယ်ဆိုရင်.....။

အကယ်၍
မင့်ရဲ့အမှန်စကားတွေကို
လူလိမ်လူညာတွေက လှည့်စားပြောင်းလဲပြီး
မုသားအဖြစ် ထောင်ချောက်ဆင်ညစ်တဲ့အခါ
မင်းဟာ တည်ငြိမ်စွာနှင့် နာကြားနိုင်မယ်ဆိုရင်.....။

အကယ်၍
မင်းဘ၀တခုလုံးကို ပေးပြီး
အရိပ်တကြည့်ကြည့်နှင့် ဖြည့်ဆည်းခဲ့ရတဲ့ အရာတွေကို
ဖျက်ဆီးခံရပြီးတဲ့နောက်
အင်မတန်မှ သေးငယ်တဲ့ တန်ဆာပလာ အရာရာတွေနဲ့
ပြန်လည်တည်ဆောက်နိုင်မယ်ဆိုရင်......။

အကယ်၍
မင်းနိုင်ခဲ့သမျှ အရာတွေအားလုံး
ကြွေတလှည့် ကြက်တခုန်ပမာ
တလှည့်တခါတည်းနဲ့ ဆုံးရှုံးသွားခဲ့ရင်
ပြီးတော့
အစကနေ ပြန်စနိုင်မယ်ဆိုရင်.....

ပြီးတော့တခါ
ဆိုးရွားလှတဲ့ ကံကြမ္မာရယ်လို့
ဘယ်သောအခါမှ ညီးညူမနေဘူးဆိုရင်......။

အကယ်၍
သူများတကာတွေ လုပ်ပြီးသွားကြလို့
အချိန်အတော်ကြာမှ မင်းအလှည့်ရောက်လို့
မင်းတစ်ယောက်တည်းနဲ့ပဲ
အားနဲ့ မာန်နဲ့ ဇွဲသတ္တိရှိရှိ
ဆက်ကြိုးစားနိုင်မယ်ဆိုရင်.....။

အဲဒီလိုပဲ
မင်းမှာ စိတ်အင်းအားကလွဲလို့
ဘာဆိုဘာမှ မရှိတော့တဲ့အခါ
အဲဒီစိတ်အင်အားကို ခိုင်မာစွာနဲ့ပဲ
လက်ဆုပ်လက်ကိုင် ထားမယ်ဆိုရင်......။

အကယ်၍
လူတွေနဲ့ ထိတွေ့ဆက်ဆံ ပြောဆိုတဲ့အခါ
ကိုယ်ကျင့်သိက္ခာကို စောင့်ထိန်းနိုင်မယ်ဆိုရင်.....။
ဒါမှမဟုတ်
မင်းဧကရာဇ်တွေနဲ့ အတူ လမ်းလျှောက်နေရပေမဲ့
မာန်မာန သွေးမကြွဘူးဆိုရင်.....။

အကယ်၍
ရန်သူကဖြစ်စေ ၊ မိတ်ဆွေကဖြစ်စေ
မင်းကို နာကြည်းအောင် မလုပ်နိုင်စေရင်.....။

အကယ်၍
လူတိုင်းကို တန်ဖိုးထားလေးစားပေမယ့်
စွဲလမ်းမှု သံယောဇဉ်တွေ ထားမနေဘူးဆိုရင်.....။

အကယ်၍
တိုတောင်းလှတဲ့ မပစ်ပယ်နိုင်တဲ့ တမိနစ်အတွင်းမှာ
အဓိပ္ပါယ်ရှိတဲ့
စက္ကန့်ခြောက်ဆယ်အဖြစ် အသုံးချနိုင်မယ်ဆိုရင်
ငါ့သားရေ....
မင်းဟာ အရာရာဖြစ်တဲ့ အရာရာရှိတဲ့
ကမ္ဘာကြီးကို ဆုပ်ကိုင်လို့
အရာရာ ဘာမဆို စွမ်းဆောင်နိုင်ပြီပေါ့.....။

အဲဒီတော့
မင်းဟာလည်း ယောင်္ကျားကောင်းတစ်ယောက်ပေါ့.....။

Biography Of the Arrow

မြှားတစ်စင်းရဲ့ အတ္ထုပ္ပတ္တိ

ပင်လယ်ကို မျှားယူဖို့
ထွက်လာခဲ့ပြီးမှတော့
မြစ်တစ်စင်းကို ထမ်းပြီး
ငါ လှည့်မပြန်ချင်ဘူး.....။

မြှားတစ်စင်းရဲ့ တန်းဖိုးကို
လေးညှို့ရှင် အသိဆုံးပါ
သေချာ ချိန်ရွယ်ပြီးမှ
ပစ်လွှတ်လိုက်တဲ့ မြှား
ပစ်မှတ်ထိမှ ဖြစ်မယ်......။

မိုးတိမ်တွေလို အိမ်အပြန်
ကောင်ကင်ကို ၀တ်ရုံပြီး
ခြင်္သေ့တို့ရဲ့ ကပွဲမှာ
ပန်းပွင့်စည်းဝါးနှင့်
လမင်းကိုတွဲပြီး
ငါ အတူ ကမယ်......။

How life is.....

ဘ၀ဆိုတာ

အဟောင်းတွေကျန်
အသစ်တွေဖြစ်
အထစ်တွေ ရှိနေတဲ့
လောကအတွင်းမှာ
လက်ကျန်ဖြစ်နေတဲ့
မနက်ဖြန်များစွာအတွက်
ဆက်ရန်ဆိုတာ
ရှိနေသေးသရွေ့ကတော့
ခက်ထန်တဲ့လောကဓံလည်း ကြုံနိုင်သလို
တက်မှန်တဲ့ လှေလိုလည်းပဲ ဖြစ်နိုင်ပါတယ်
ဘာပဲ ကြုံလာကြုံလာ
ယက်ကန်ယက်ကန်
ဖြစ်မနေဖို့ပဲ လိုတာပါ......။

I remember all of my friend....

I invite to friends of State Pariyatti Sasana University (Mandalay) and then want you to make any comment-good or bad and so on ,as gift of making words in your heart. So Hi! friends ! come on here and let's chit-chat.

My Loved Poems

There are a lot of poem which i have already read in my life-time. I want to share them to all of my friends.